ក្លាយជាអ្នកលក់ថ្នាក់កំពូល

អារម្ភកថា

ជាអ្នកលក់ម្នាក់ដែលជោគជ័យមិនមែនជារឿងដែលយ៉ាប់ពេកទេបើយើងដឹងពីរបៀបធ្វើ(របៀបលក់)។ ធ្វើអ្វីក៏ដោយ បើយើងធ្វើទាំងងឹតងងុល មិនដឹងពីរបៀបធ្វើ លទ្ធផលនឹងផ្អៀងទៅខាងចាញ់ច្រើនជាងឈ្នះ។

អ្នកលក់ភាគច្រើនផ្ដោតលើលុយក្នុងហោប៉ៅរបស់អតិថិជន ក្នុងនោះបើតាមអ្នកជំនាញប៉ានប្រមាណថាមានប្រហែលជា៨០% ហើយមានតែ២០% ប៉ុណ្ណោះដែលផ្ដោតលើការបម្រើនិងចូលទៅដោះស្រាយបញ្ហាឱ្យអតិថិជនដោយស្មគ្រចិត្ត។ ប្រការនេះហើយដែលថា មានអ្នកលក់ត្រឹមតែ២០%ប៉ុណ្ណោះដែលជោគជ័យលើការលក់ ហើយ៨០%ផ្សេងទៀតបានត្រឹមតែអង្គុយអស់សង្ឃឹមប៉ុណ្ណោះឯង។

ជាទូទៅយើងឃើញថា ការលក់ទៅតាមយថាផល (អ្នកលក់ភាគច្រើន យល់ច្រឡំថាការលក់គឺជារឿងការនិយាយ ប៉ុន្តែតាមពិតវាមិនដូច្នោះទេ) គឺតែងមានឡើងនិងការចុះជារឿងធម្មតា ប៉ុន្តែបំពោះការបម្រើអតិថិជននិងការ ដោះស្រាយឱ្យអតិថិជនដោយចិត្តស្មោះស្មគ្រ គឺតែងតែតម្កល់ចិត្តអតិថិជនឱ្យនៅជាមួយយើងជារៀងរហូត។

ដូច្នេះអ្វីដែលអ្នកត្រូវធ្វើក្នុងនាមជាអ្នកចាប់ពីវិនាទីនេះតទៅគឺ ឈប់លក់ហើយបែរមកជួយអតិថិជនដោះស្រាយបញ្ហាវិញ ដែលទង្វើនេះនឹងធ្វើឱ្យមានការផ្លាស់ប្ដូរយ៉ាងចម្លែកក្នុងអាជីពជាអ្នកលក់របស់អ្នក។