១៥០០សំណួរចម្លើយអំពីពិភពលោក ភាគ១

$6.9 $5.75

Publish date: 2022-03-02

Category: General knowledge

Publisher: ហាតប៊ុក

Author Name: បុល ប្រុសណយ

99 Books Available.

Description:

“១៥០០សំណួរ-ចម្លើយអំពីពិភពលោក ភាគ១”​ ជា​សៀវភៅ​ ​កម្រង​សំណួរ​ចម្លើយរហូតដល់១៥០០ (ភាគ១នេះ មានចំនួន​៧៥០​សំណួរ​​​ចម្លើយ) ជុំវិញចំណេះដឹង​នានា​​​ពាក់​ព័ន្ធ​​នឹងជីវិត​រស់នៅ​ប្រចាំ​​ថ្ងៃ​របស់​​​មនុស្សយើង និងជុំវិញរឿងរ៉ាវនានាដែលកើត​មាន​នៅក្នុង​ពិភពលោក​ ​​​​ដែលយើងកំពុងរស់នៅនេះ។

សៀវភៅនេះ ហាក់មានភាពប្លែកបន្តិច ដ្បិតចំណេះដឹងត្រូវបាន​រៀបចំជាលក្ខណៈបណ្តុំសំណួរមួយចំនួនសិន រួចក៏បង្ហាញចម្លើយនៅ​ទំព័រ​​​​​​បន្ត​បន្ទាប់។​ ដើម្បីកាន់តែជក់ចិត្តនិងជាការសាកល្បងចំណេះដឹង​ខ្លួន​ឯងផង​ បងប្អូនអាចសាកល្បងឆ្លើយសំណួរ​សិន (ជាទូទៅមានពី១៥ទៅ​២០​សំណួរម្តង) មុនពេលចូលទៅកាន់ចម្លើយ។ ចំណុចដែល​គួរ​ឱ្យចាប់​អារម្មណ៍មួយទៀត គឺសៀវភៅនេះត្រូវបានរៀបរៀង​ជាពីរ ភាសាគឺខ្មែរ​និង​អង់គ្លេស ដែលអាចធ្វើឱ្យបងប្អូនបង្កើនចំណេះដឹង​ភាសា​អង់គ្លេស​ផង និងមានឱកាសស្វែងយល់កាន់តែស៊ីជម្រៅបន្ថែមទៅ​តាម​ចំណុច​នីមួយៗ ដែលពេលខ្លះត្រូវការពាក្យជាប្រភពដើម។

១៥០០ចំណេះដឹង ត្រូវបានរៀបចំតាមផ្នែករហូតដល់៩ផ្សេងគ្នា ដើម្បីងាយស្រួលផ្តោតអារម្មណ៍និងស្វែងយល់។ ផ្នែកនីមួយៗ ដូចមាន​បង្ហាញនៅទំព័រមាតិកាមុននេះបន្តិច ពិតជាបានគ្របដណ្តប់ជាច្រើនផ្នែក​នៃ​ចំណេះ​ដឹងជុំវិញពិភពលោក។ ទោះបីយ៉ាងណាក៏ដោយ ពិភពលោក​ដ៏​ធំ​មហិមា​ ប្រាកដជាមិនមានត្រឹមតែចំណេះដឹង១៥០០ចំណុចនោះទេ ពោល​គឺ​មាន​​ច្រើន​រហូត​ដល់រាប់មិនអស់។ ទោះបីយ៉ាងនេះក្តី​ បើសិនជា​យើង​មិ​ន​ចាប់​​ផ្តើម​​​ស្វែង​យល់​ម្តងមួយចំណុចៗទេ នោះយើងក៏នឹងគ្មាន​ថ្ងៃ​ស្គាល់​​ពី​ពិភព​លោក​ដែលយើង​កំពុងជាន់ជើងនេះដែរ ហើយពិសេស​ចំណុច​​ខ្លះ​ទៀត ​គឺនៅក្បែរក្លៀករបស់យើងថែមទៀតផង។