ធ្វើការបែបអ្នកឈ្នះ

$2.7 $2.25

Publish date: 2021-12-17

Category: Self development

Publisher: រោងពុម្ពព្រៃស

Author Name: គ្រឹះស្ថាន ដាំដើមជីវិត (DDJ)

99 Books Available.

Description:

សម្រាប់អ្នកដែលមានការងារធ្វើសព្វថ្ងៃនេះ ជោគជ័យចាត់ជារឿងដែលគួរឱ្យប្រាថ្នា ព្រោះជោគជ័យនាំមកនូវមោទកភាព ភាពជឿជាក់ក្នុងជីវិត ភាពគង់វង្សក្នុងជីវិតរស់នៅ កិត្តិយសកេរ្តិ៍ឈ្មោះដល់ខ្លួននិងវង្សត្រកូល។ ដូច្នេះគោលដៅរបស់និយោជិតគ្មានអ្វីផ្សេងក្រៅពីជោគជ័យនោះទេ ហើយត្រូវតែជាជោគជ័យដ៏យូរអង្វែងទៀតផង។​

ការដែលយើងរស់នៅក្នុងសម័យសកលភាវូបនីយកម្ម យើងមានឱកាសនៃការយល់ដឹងឬទទួលដឹងព័ត៌មានបានស្មើគ្នានិងគ្រប់ជ្រុងជ្រោយ ទើបការប្រកួតប្រជែងកើតឡើងក្នុងគ្រប់វិស័យ។ មនុស្សដែលមិនយល់ដឹងឬឈប់ស្ងៀមមួយកន្លែងនឹងត្រូវទុកចោលឱ្យនៅខាងក្រោយ។ ការធ្វើការក៏ដូចគ្នាដែរ ប្រៀបដូចជាយើងចូលទៅកាន់ទីលានប្រកួតដែលត្រូវរត់ទៅខាងមុខគ្រប់ពេលវេលាទើបឱកាសនៃ ជោគជ័យកើតឡើងបាន។ ខណៈជាមួយគ្នា យើងត្រូវដឹងថាពេលខ្លះយើងមិនត្រឹមតែត្រូវប្រកួតនឹងខ្លួនឯងទេ តែនៅត្រូវប្រកួតជាមួយគូប្រជែងជាច្រើនទាំងពេញចិត្តនិងមិនពេញចិត្ត ទាំងដោយផ្ទាល់និងដោយប្រយោល ទើបអាចរក្សាការពារជោគជ័យទុកបានយ៉ាងយូរអង្វែង។​

ក្នុងពេលបច្ចុប្បន្ន យើងសង្កេតឃើញថាអង្គភាពផ្សេងៗសុទ្ធតែចង់ជ្រើសរើសបុគ្គលិកដែលមានគុណភាពចូលមកជាក្រុមការងារហើយពេលចូលមកធ្វើការងារហើយ ត្រូវឆ្លងកាត់ការសាកល្បងជាច្រើនទម្រាំអាចទៅឈរនៅកន្លែងខ្ពស់បំផុតរហូតជាទីទទួលស្គាល់បាន។ ដូច្នេះតើមនុស្សប្រភេទណាដែលអាចទៅឈរនៅទីនោះបានយូរ រឹងមាំ និងមានជ័យជម្នះបាន ហើយគេមានវិធីយ៉ាងម៉េចខ្លះ?

អត្ថន័យក្នុងសៀវភៅមួយនេះជាការចែករំលែកបទពិសោធជីវិតពិតឱ្យមិត្តអ្នកអានបានដឹងថា តាមពិតទៅអ្នកឈ្នះមានពេលវេលា២៤ម៉ោងដូចអ្នកដទៃដែរ តែអ្នកឈ្នះអាចមាននូវទស្សនៈលើរឿងការធ្វើការងារខ្លះដែលជាប្រយោជន៍ចំពោះការងារឬមានវិធីដោះស្រាយបញ្ហាបែបខុសប្លែកពីមនុស្សទូទៅ ដូចជា ទស្សនៈចំពោះឧបសគ្គនៃការឈានទៅកាន់ជោគជ័យក្នុងការងារ… ប្រើខួរក្បាលធ្វើឱ្យលឿន មិនសម្រេចមិនឈប់ ទស្សនៈនៃភាពរីកចម្រើន​…ចេះបង្វែរ ភាពតប់ប្រមល់ឱ្យទៅជាកម្លាំងជំរុញ…ធ្វើការងារបែបអ្នកឈ្នះ…និងរឿងជាច្រើនទៀត…។​

ខ្ញុំសង្ឃឹមថាសៀវភៅមួយក្បាលនេះ នឹងក្លាយជាបទពិសោធដែលជាប្រយោជន៍ចំពោះមិត្តអ្នកអាន ប្រៀបដូចជាកញ្ចក់ឆ្លុះបញ្ចាំងឱ្យនិយោជិតបានឃើញខ្លួនឯងក្នុងការធ្វើការ មិនត្រឹមតែប៉ុណ្ណោះ អាចជាស្លាកសញ្ញាប្រាប់ផ្លូវ ដែលចង្អុលណែនាំតាមលំដាប់លំដោយ ប្រៀបដូចជាសៀវភៅណែនាំទៅកាន់ជោគជ័យសម្រាប់និយោជិតគ្រប់គ្នាគ្រប់ប្រការដូច្នោះដែរ។

ទំព័រ 130
ទំហំខ្នាត H= 20.5cm , W= 14.5cm